DaDa飲大兩杯攬馬桶免出醜

今年可算是DaDa的豐收年，她參演的《低俗喜劇》票房大收，更成功入圍金馬獎最佳女配角，認真可喜可賀。早前她到台灣宣傳電影時，獲當地粉絲接機，令她喜出望外。DaDa說：「上過幾個台灣嘅綜藝節目接受訪問，都幾得意幾輕鬆，亦有台劇想搵我拍，有機會都想去台灣發展吓！」

幫助血液循環

DaDa日前偕師妹Mei Mei出席跑馬地馬場的「十月啤酒節」，興奮地玩盡全場遊戲，喪擸獎品！兩位靚女當然吸引大班中港及外籍男士擁上前影合照。DaDa自認酒量不俗，就算飲醉都只會攬實個馬桶，絕不會醉酒鬧事：「我開心同唔開心都鍾意飲酒，平時每晚都會飲兩杯紅酒，血液循環都好啲！」

曾歐遊的DaDa對德國美食情有獨鍾，品嘗現場的德國香腸，怎料一食就停不了：「我真係好鍾意食德國腸，但係返到嚟香港就冇再食過咁有德國味嘅腸，真係大飽口福。」

文：專案組

攝：沈健程