樊少皇感情穩定玩低調

樊少皇、陳嘉桓、張晉、林子善及敖嘉年等日前在東莞為楊盼盼任監製的《少年英雄》電影系列開工，此系列五片齊拍，每齣電影以一種功夫為主題。早前被爆回港與JJ撐枱腳食粥談情的樊少皇，以一身白馬王子look開工拍攝打擂台戲份，被林子善及敖嘉年笑他出動私伙戲服拍戲，春風滿面的他，被問到是否與JJ約好在東莞見面，他說：「佢都好忙，點行得開上嚟探班？我哋感情啱啱先開始穩定，想低調啲。（公司施壓要你低調戀情？）唔係，呢件事喺香港好哄動，但喺內地冇乜人留意，我想等大家有番多啲空間啫！」

Rose好勝周身傷

「詠春少女」陳嘉桓（Rose）則與蔡少芬（Ada）老公張晉在新片《亂世情緣》合演夫妻，戲中會有一個六歲囝囝，Rose為電影打至周身瘀傷，非常拚命，她說：「我嘅角色好好勝，見人就打，以打會友，甚至用打嚟談情添！」

JJ與樊少皇蜜運中，樊少皇揚言二人感情穩定，毋須經常見面。	陳嘉桓直言為拍戲打到周身傷。	新片《少年英雄》電影系列開拍，樊少皇及陳嘉桓等於片中再施展好武功。

張晉笑言現實中也與Ada過着「打是情，罵是愛」的夫妻生活，他說：「我唔只被老婆打，仲被個女打，我喺屋企冇地位。我喺戲中角色本來係個日本衰軍人，失憶後變咗善良中國人，失憶再失憶，好考演技。」

文：影視組