本月21日是陳煒的39歲生日，雖然已嫁為人妻，但昨日她提到生日願望時表示不想做「爛茶渣」，希望演藝事業更上一層樓，問有否打算生個BB？她笑說要效法甄妮「冷藏卵子」：「雪住先，因為老公工作又忙，（老公都要雪精子？）我哋都要傾吓！留定冇壞嘅，（會搵代母？）梗唔會啦！」
陳煒過檔無綫第一套劇《法網狙擊》將接台慶劇《大太監》播出，她坦言超興奮，但被問到年尾播出對攞獎機會較蝕？她說：「出年仲有成年拍劇，唔會蝕！反而自己係人妻又同郭政鴻有情慾戲可能會成為焦點！」
