黎耀祥唱到行誓爭視帝
無綫台慶劇《大太監》罕有於戲院內舉行首播，眾人齊聲為黎耀祥再度奪視帝造勢，祥仔亦坦言獎項不會嫌多，就如中六合彩一樣。首集中，祥仔就唱京劇來壓場，相信定必好戲連場。
黎耀祥（祥仔）、米雪、曹永廉、陳國邦、胡定欣等前晚出席台慶劇《大太監》於圓方戲院舉行的首播活動，無綫今次非常重視此劇，更隆重到包場給一眾fans入場欣賞原汁原味的第一集。眾演員盛裝打扮，男的穿着禮服，女的則打扮貴麗，期間他們一雙雙行紅地氈到場，而李詩韻、胡定欣都性感示人，至於之前被指將下嫁陳豪而收起性感的陳茵媺雖打扮貴麗，但輸在密實。
比喻中六合彩
有指此劇會造就祥仔再度贏「視帝」，期間現場人士亦齊聲起哄，力撐祥仔再奪殊榮，米雪更謂︰「我哋套劇好腳頭，啱啱又有個BB女（陳國邦女兒）。」事後祥仔謙稱謂︰「大家支持啫！如果有獎係錦上添花，自己冇壓力，最想係套劇攞最佳劇集。」說到《大太監》一劇未播已甚有聲勢，問會否希望開電影版？祥仔表示不到他作主。另外，提到現時不少藝人都自行拉票，祥仔叫傳媒幫幫手。說到之前已兩奪「視帝」殊榮，現在會否欲望不大？他坦言︰「唔會，獎項冇嫌多，好似中六合彩咁，唔會中過一次唔想中。（邊個係勁敵？）個個都係。」
唱京劇贏掌聲
播映劇集時，每到自己偶像出場，fans們都叫囂支持，第一集主要都是太監們之間的戲份，着眼點包括飾演奸角的陳國邦怎樣欺壓其他太監，如太監黃浩然想出宮探病重的母親，但他諸多刁難，黃浩然想偷走，因而被他找人毒打，更把他困於一個籠內，令人心噏。此外，太監黎耀祥為氹妃子李詩韻，大唱京劇，播時現場觀眾都大拍手掌。
文︰影視組