高海寧呂慧儀晒波功 志偉出掌兜截
高海寧與呂慧儀前晚谷胸性感打扮慶祝萬聖節，同場的曾志偉則以粵語片《如來神掌》中曹達華飾演的「龍劍飛」扮相出現，並以雙手作狀托向兩女胸部，笑言要向她們使出「如來神掌」。
藝人高海寧、呂慧儀前晚分別以「雅典娜女神」和「西方公主」造型，出席「香港演藝人協會2012服古派對」慶祝萬聖節，兩女毫不吝嗇展示美好身材大騷事業線，高海寧說：「其實問無綫借古裝衫都得，但手續複雜都係自己買好。」問到呂慧儀是否鬥搶鏡，她說：「我嫁咗人o架嘞，今晚一年一度配合主題啫，件衫上圍啲喱士成日走出嚟，要整番入去。」
同場的曾志偉否認扮「武大郎」堅稱是「龍劍飛」，他與兩女合照時又動作多多，雙手向兩女胸部向上托，笑言要使出「如來神掌」，十分百厭。曾志偉透露活動筵開四十多席，買枱數目估計約百多萬，他說：「今次一半係籌款、一半係為咗聚一聚。今晚有好多新人扮舊人表演，但好多舊人都係要『請上來』，遲啲『燒』番啲碟畀佢哋睇。」
Rose扮黑天鵝
藝人陳嘉桓（Rose）以「黑天鵝」造型亮相，眼部彩繪更由父親操刀，她說：「條裙我特登喺網上訂，因為黑色好難買。」而歌手關心妍則以王菲當年的經典「菠蘿頭」造型出席，現場所見她容貌與過往有別，判若兩人無人認得，她說：「真係認唔到我呀？我叫化妝師幫我畫粗條眉，畫豬膽鼻，就係要無人認得我，咁咪成功咗囉。（擔心再傳整容？）今日係易容，唔係整容，係特技化妝。」連志偉都說：「嘩，我認唔到佢，以為係邊個o靚妹。」另外，溫碧霞雖然帶病到場，但仍悉心打扮散發出高貴一面。活動上各藝人打扮維肖維妙，肥媽一身妖后look亦成為焦點。
文：影視組