(8)于建茹嫌棄楊怡木偶鼻

《ATV 2012亞洲小姐競選》「港澳賽區」12位候選佳麗昨日到大埔某豪宅泳池以火辣三點式泳裝會見傳媒。佳麗們換上泳裝後身材燕瘦環肥見真章，省鏡一族要數(1)趙海恩、天生明星相的「安徽謝安琪」(5)齊真晨和「燶版楊謹華」(8)于建茹，參差佳麗則有臀部布滿橙皮紋的(2)黃璧安、「長平公主」(6)孫倩及「籮霸」(7)許麗莉。

「圓啲先有福氣」

于建茹在佳麗中年紀最大31歲，原來也是老薑最辣。近期她出席活動被讚貌似台星楊謹華，當時還笑晒口講多謝。不過，天生明星相亦有高低，昨日提到她亦似無綫花旦楊怡時，她即嫌棄地說：「聽過人哋話我似楊謹華，可能某啲角度都似楊怡嘅。」記者指她的鼻不夠楊怡尖時，于建茹即寸爆說：「圓啲先有福氣o架！」一身古銅色皮膚的她自言平日愛運動，每晚會做120下Sit Up收腹。

楊謹華 樣似指數：80%

楊怡 樣似指數：85%

齊真晨樂似謝安琪

相對于建茹嫌棄似楊怡，被指似歌星謝安琪的齊真晨則相當受落，來自安徽的她說：「以前不認識謝安琪，但之後都有上網尋找謝安琪的資料，我覺得眼睛和嘴很像，尤其笑起來。」雖然齊真晨天生明星相，但昨日左腹卻出現敏感斑斑。她說：「我自己不發覺，可能是以前曾出水痘的疤痕性皮膚。」對身材滿有信心的齊真晨自誇不用為選美減肥，因她向來很緊張體重。

齊真晨的上圍有35吋，成佳麗之冠，但睇頭一般。

趙海恩身形的骰，但上圍仍然有睇頭。

另外，趙海恩雖然身材的骰，但上圍卻有一定睇頭。她受訪時謙虛說：「我係12個女仔裏面最矮，我身材唔係咁犀利啫，細粒睇落咪豐滿啲囉！」她又透露有穿矯形內衣「修葺」胸部。

文：影視組