諸葛紫岐怕開刀唔會整容

名模諸葛紫岐（Marie）、苟芸慧、恒生新抱何倍倩等昨日出席活動，Marie對於再次有報道指她整容作出澄清，她說：「一定冇整過，因為我好怕開刀或者打針。可能係因為我細個唔鍾意咬嘢食，所以下巴尖啲。（出聲明澄清？）未至於，我全塊面都郁到。」問到她覺得同是「宅男女神」的苟芸慧及岑麗香哪位較漂亮？她說：「兩個都好靚，苟芸慧好有東方女性美，好高貴。而岑麗香就好甜美。（會唔會叫老公薛嘉麟簽佢哋做歌手？）我都想！（簽埋未來妯娌陳法拉？）我唔想答關於佢嘅嘢，怕有是非。」
諸葛紫岐（右）讚苟芸慧有東方女性美。
諸葛紫岐（右）讚苟芸慧有東方女性美。

苟芸慧封胸前一露

而早前揚言封胸的苟芸慧，被問到何以deep V上陣？她說：「因為之前已經應承咗呢個工作，而且我同公司傾過，覺得各方面都OK，唔會引人犯罪。」她笑言即使宣布封胸後，工作量及酬勞仍十分滿意，並表示希望將來走中性或型格路線。

恒生新抱何倍倩家庭事業兼顧得宜。
  • 恒生新抱何倍倩家庭事業兼顧得宜。