張名雅唔抗拒拍輪姦戲
應屆香港小姐張名雅、黃心穎、朱千雪昨日到幼稚園進行探訪活動，黃心穎及朱千雪皆被無綫委以重任，分別擔任遊戲節目主持及勁歌金曲主持，唯獨冠軍張名雅未獲安排工作，她昨日解釋說：「我無唔開心，都會為另外兩位加油，我知道公司唔會遺忘我，嚟緊都會參與節目巡禮，三個一齊表演舞台劇。」張名雅坦言渴望拍劇，但會循序漸進從低做起，指即使拍輪姦戲亦無問題，她表示：「只要係角色需要都會接受」。
而朱千雪亦幫口解畫，她指張名雅是港姐冠軍，有更重要的任務，需要履行香港小姐的職責，而她近日忙於為《勁歌》準備，「都有睇番啲舊嘅片，但仲未正式做綵排，加上有Amigo（崔建邦）做拍檔，相信唔會出大問題，（怕傳緋聞？）我都係做番主持工作。」