黃貫中愛女與獒分居

黃貫中（Paul）前晚為新片上演被亂刀斬死戲份。他全身被塗滿血漿，並要口含血漿噴出，難怪一停機即以可樂漱口。被嘲為搵奶粉錢不錫身時，Paul一臉慈父謂：「冇辦法，頭先出門口都唔捨得。（幫囡囡擺百日宴？）會呀，我依家最叻掃風。」談到與朱茵補擺結婚酒，Paul忽然自爆：「其實要做嘅都已經做晒，我哋只係宴請咗屋企人，同埋好close嘅朋友。」他又謂不會反對老婆復出拍戲，但相信不會在短期內發生。談到其家中的5隻藏獒與BB日後相處，Paul透過經理人表示現時女兒與藏獒暫分開住，待女兒長大些，便會帶她與愛犬們見面，相信他們能和平相處。他堅信狗有靈性，會知BB是小主人，當初愛犬寶帝也是率先感應到朱茵有BB，因而曾保護朱茵。