查小欣潛心修煉明年再出擊
由查小欣及莊思敏等主持的《爆足一周》於昨晚播完第四集便暫告一段落，節目重新部署後再於明年出擊。對於外間指節目內容是「舊聞」而被踩，查實節目有不少過辣的料擔心法律責任而不敢爆，當中包括老闆與旗下藝人的是非及無綫藝人的桃色事件等，據知今次節目會趁暫停時間，跟法律部門研究「踩界」位，希望在不犯法情況下盡情「爆料」。
蘇民峰接棒
資深傳媒人查小欣主持電台娛樂節目多年，惟換轉在電視連月來備受抨擊，節目負責人余詠珊和主持查小欣決定「忍痛」暫停，明年以定位鮮明的方向見觀眾，而接力播出將是蘇民峰的風水節目。
停播唔難受
查小欣昨日接受訪問時承認《爆》將暫停：「我做電台15年，突然跳去電視，都需要一個『淨化期』，趁呢段時間再做功課，潛心修煉，（停播會難受？）冇，知道好多網民對節目有好大回響，我接受現實嘅，今次咪當考試，我要多謝嘅人好多，好似狄波拉。（被網民人身攻擊？）冇嘢喎！佢哋話我老，係人都會老啦，佢阿媽都老！最緊要煮啲嘢好食啫！」而余詠珊則說：「《爆》係需要停一停，我會用2、3個月時間部署。」
文:影視組