基仔批好友做幕後啱啲

古巨基和鄭伊健聯手為好友圓幕前夢，執導今次的MV，不過錢國偉卻不聽話而被基仔、伊健鬧，經過今次演出，基仔認為錢國偉做回監製最適合，他說：「作為朋友我最後一次幫佢完成幕前演出心願，佢都係做番監製、演唱會啱啲！（佢會唔會減肥做幕前有用？）唔清楚，但都係做幕後好啲！（幕前夢破滅要佢死心？）其實佢都知，（怕佢嬲？）唔怕，佢都明白！（拍攝時有乜趣事？）佢唔專心，成日走去理其他無關嘅事，講咗好多次都係咁……不過我哋拍嘅時候只係話佢，唔係鬧，佢唔會嬲嘅！而且我覺得正版Psy靚仔過錢國偉好多。」