（10）陳超Big爆講性趣

昨日《2012亞洲小姐競選》公布港澳賽區佳麗入圍名單，並宣布將進行全民投票，無懼步港姐Hang機後塵！12位佳麗昨日身穿緊身低胸晚裝會見傳媒，身材突出之輩不算多，「胸湧族」只得(10)陳超及(12)黃一晴，黃一晴行Catwalk時更有激盪效果，至於(7)許麗莉則驚現粗腿。熱門方面，面試時甚有明星臉的「安徽謝安琪」(5)齊真晨及「燶版楊謹華」(8)于建茹順利入圍，外貌鬼鬼地的(2)黃壁安亦頗上鏡。

票選怕輸蝕

多位來自內地的佳麗以不純正廣東話作自我介紹，例如齊真晨喜歡「創歌」（唱歌）、(6)孫倩今年「丫實試歲」（24歲），陳超更將「興趣」誤講成「性趣」，笑爆全場！事後杭州姑娘陳超尷尬表示因太緊張而講錯，現時雖在理工大學修讀時裝，但同學都遷就她說普通話：「我試過搭的士講錯地方，真的要努力練廣東話！」她承認在港朋友不夠多，怕以票選方式會輸蝕。31歲的于建茹不怕與後生女較量，自言最愛睇動漫心境年輕，對於學歷只得中六，她說：「我有豐富社會經歷，喺內地做過多年Model。（似楊謹華？）好多人咁講，我睇番報紙都覺得似！」但信心十足的她近看皮膚麻麻，心口更有粉印十分礙眼。

「燶版楊謹華」于建茹都覺得自己似楊謹華。	「安徽謝安琪」齊真晨順利入圍。	黃一晴身材Big爆。

此外，現場佳麗互選「最合眼緣佳麗」，結果由細細粒不甚起眼、28歲的(9)謝嘉慧奪得，她表示與眾女均感情要好：「已經好似姊妹，會用手機apps群組傾偈。（自覺身材唔夠好？）都有啲，我好羨慕其他佳麗有長腿！」身為本地薑的她笑言會呼籲親友支持。

文：影視組