周家蔚求秘方博一年雙B

準爸媽洪天明及周家蔚昨日分道揚鑣亮相活動，家蔚挺着六個月大肚子，腳踩兩吋高跟鞋到屯門出席《BB爬行大賽》：「我畀天明去賽車，佢畀我着高踭鞋，兩吋好高咩？鞋踭好粗o架！好穩陣。」問到BB是否像天明般百厭？她說：「郁到震盪呀！但每晚瞓覺前搵燈射個肚、篤肚兩下，再唱兩首歌，BB就乖，出咗世咁聽話就好。（老爺洪金寶幫BB改咗名？）食飯有傾過吓，我依家計劃緊出年年頭生仔，年尾生女，我收集咗生女秘方，等生完女至公開，費事唔靈被人笑。」
周家蔚笑言所穿的粗踭鞋很穩陣。
周家蔚笑言所穿的粗踭鞋很穩陣。

至於天明出席設春活動時說：「家蔚預產期明年2月5日，但早前聽到有BB頭皮被儀器吸到甩，依家想改1月28日開刀，嗰日出世仲可以做龍仔添，一易發又好意頭！」近日發福的他，更指有日家蔚睡醒，見到他塊面好大，以為老爺洪金寶睡在她身旁，令他表示當務之急是減肥。

天明近日發福，連老婆也認不出他。
  • 天明近日發福，連老婆也認不出他。