霍麗萍讚姪抱溫柔
霍震霆長子霍啟剛與中國跳水公主郭晶晶，將於下月拉埋天窗並於中、港兩地舉行盛大婚禮。據悉，啟剛為婚宴的嘉賓名單感到非常頭痛，而即將榮升為姑奶奶的霍麗萍前日出席活動時，就表示替一對準新人感到高興，又大讚晶晶溫柔。
霍啟剛和郭晶晶的世紀婚禮舉行在即，將會於11月10日在南沙的南沙大酒店筵開70圍，翌日（11月11日）在香港會展筵開150圍。婚禮還有不足一個月兩人便正式結為夫婦，結束八年愛情長跑。
送實用兼具心意賀禮
而霍震霆胞姐霍麗萍前晚與丈夫出席慈善晚宴，熱愛攝影的她被問到可會為啟剛和晶晶這對準新人拍結婚照？她說：「佢兩個都唔使我影，我都戥佢哋開心。（會送咩畀佢哋？）送心意同紀念性嘅嘢。（你啲作品？）唔係，送啲實用嘅嘢。」她又謂早已見過郭晶晶，並大讚晶晶說：「佢好溫柔。」問到啟剛和晶晶的婚宴詳情？她說：「連續三日。一日喺屋企、一日喺南沙、一日喺香港。」而連同之前10月７日在晶晶老家河北舉行迎娶禮，一共四天。她還透露早前到了峇里攝影：「去咗一星期，神山日出好靚，我凌晨三點幾就去影，影到彩虹。」
據悉，準新郎啟剛正為婚宴的嘉賓名單感到十分頭痛，因為婚禮舉行期間恰巧撞正中共十八大會議，所以未能確定到有那些嘉賓會出席兩人的婚宴，故至今仍未出到出席名單，不過有不少人不請自來，紛紛致電啟剛表示想出席他的世紀婚禮。另外，霍震霆早前與霍啟山到南沙，除了工作外，還順道視察擺酒場地。而霍家親友已為當日準備靚衫，為免出現撞衫情況，特別找設計師度身訂造服裝。
王愛倫唔理兒子情事
同在慈善晚宴上的前港姐王愛倫及兒子林建億結伴赴會，林建億表示沒有女友，在尋覓中，他亦會祝福快將當媽媽的舊愛周家蔚。而王愛倫則謂不會在慧妍雅集介紹女友給兒子認識，她說：「好大責任，第時分咗手搵我算帳就唔好，不過我唔會干預個仔嘅感情事。」她又踢爆兒子有少許桃花，因為他喜歡去clubbing，但他很乖不會飲醉酒。
文：名人組