劉心悠想睇Chilam葉念琛裸泳
劉心悠昨日與導演葉念琛到電台宣傳新戲，並表示優先場反應不俗，問到心悠若票房成績佳，會以三點式亮相益粉絲？她笑言：「依家三點式都唔驚喜，不如叫張智霖（Chilam）同葉念琛裸泳啦，應該好多女仔想睇。」在旁被「嚇窒」的葉念琛即說：「我唔想呀，咁重口味！點解成日都要『裸』，都係叫心悠拎錢請食飯算啦。」
對於被拍檔張智霖笑指她是不溫柔的「硬漢」，心悠自認男人：「我個樣呃到人嘛，但做起嘢上嚟我會好『男人』！」導演又大讚她比不少男人更有強健體魄：「佢成日去跑步，身體分分鐘好過我！」
