黃榕裸睡骨妹箍男友

性感女星黃榕前晚聯同王璐瑤（LuLu）及混血女模布睎尤（Raico）等到商場行內衣騷，吸引半百龍友喪影！在眾目睽睽下，她們大方以多款性感內衣鬥身材，有部分內褲薄如蟬翼，露出整個八月十五之餘，更透出內裏的T-back，可謂搏到盡！不過，似跌了Cup的黃榕大髀略嫌粗壯，LuLu更不時凸出胃腩有礙觀瞻。

黃榕直言已清理體毛及做足安全措施，下身更黐了膠紙，相信不會走光，語出驚人的她笑言喜歡全裸睡覺：「我一個人一間房，不過會拉窗簾，冇咁開放！（同男友瞓都全裸？）係！增加情趣嘛！（唔怕悶？）仲有其他新鮮嘢，好似按摩咁，唔一定視覺上嘅，仲有觸感呢！」問到喜歡甚麼類型內衣，她卻突然表示尷尬流晒汗。單身的她透露有很多追求者，但暫時要先了解清楚，不會像以前般盲目。

Raico谷行事業線行天橋。	LuLu行股惑以T-back上陣。	LuLu

張暖雅開胸搶鏡

至於同場的前中國小姐趙哲妤行婚紗騷，「向西女」張暖雅及「仙樂都」吳堯堯（YoYo）則擔任嘉賓，均被眾台上「肉女」搶盡「峰」頭。不過張暖雅以心口開窿長裙現身搶鏡，並指因沒有時間試衫而錯過行騷機會，問到喜歡哪款內衣？她說：「Push Up同Lace，男仔都鍾意！（畀過以前啲男友睇？）佢唔係好理，應該係唔鍾意我個人，對我冇咩興趣咁！」搞笑的她直言膚色太黑，連老闆都指她似菲律賓人，因此多穿顏色鮮艷的衣服搶鏡。

文：影視組