千嬅升cup儲奶 苦過儲錢
產後的楊千嬅昨日首度復工，大膽真空上陣，她表示能夠復工只因早已儲好兩個月分量的人奶給囝囝Torres，更笑謂儲人奶慘過儲錢。現時還未成功收身的她，自言以外表能夠當老公丁子高的「妹妹」為終身成就。
楊千嬅昨日真空上陣出席代言的LightMAC發布會，闊別多時的千嬅收身成績滿意，她表現十分活躍，在祝酒時忍不住說：「成年冇飲過香檳。」
恨做老公「妹妹」
千嬅說自己人生的「亮點」是最初由護士轉型當藝人以及當媽媽：「啲人成日覺得有咗小朋友就係一個階段嘅結束，但我覺得反而係生命嘅開始。」司儀問她最想誰讚她漂亮？千嬅說：「老闆同老公，咁我就有雙重保險。依家我同老公仲係平輩，如果有日喺外國畀人話我係佢個妹，咁就係我終身成就！」她又說尚有十磅要減，之前冇keep fit，因為要餵人奶：「我已經儲定兩個月嘅人奶，不過儲奶真係慘過儲錢。」
開工最唔捨得BB
問千嬅上圍有沒有升Cup？她即時搞爛gag說：「我不嬲都係『星級』。（上升個升呀？）升咗幾Cup，係個仔畀我嘅紀念品，開頭都唔慣，不過原來減肥後會縮番細。（依家大過以前？）大過以前唔難，少少都大過以前。」已全面復工的她，11月將會為中央電視台拍攝為期三個月的節目，她續說：「每個星期要飛三、四日，我好唔捨得個仔，依家成日攬住佢；之前聽Kelly（陳慧琳）講掛住個仔講到會喊，嗰陣覺得有啲誇張，依家就明喇！」問到同公司的黎明離婚？千嬅表示有留意，但人家私隱要尊重，不應多加批評。
文：名人組