吳雨霏甩難爆Alex多女
吳雨霏（Kary）昨日被問到緋聞男友林德信（Alex）與王秀琳煙韌消夜，她笑說：「今次甩難喇。（你哋冇聯絡？）好少，做嘢會見到，冇聽過佢話拍拖，佢一向都多女仔朋友。（祝福？）如果真再問我啦，人哋嘅事唔方便講。」
另外，Kary昨日出席新城電台活動，對於明年1月舉行的演唱會昨晨優先預售，因太多人撲飛搞到死server，她說：「好開心，證明反應熱烈，尋晚緊張到瞓唔着。」隨即表示為攞好意頭，都有上網撲飛，問是否送給冷戰中的網球王子男友洪立熙？她避忌說：「唔講感情。」相信與男友和好如初。前晚她與好姊妹鄧麗欣及區文詩等打邊爐，醫飽肚便拉隊夜蒲，搞笑的Kary卻戴口罩，她解釋：「去鬧市怕畀人認出。」