張家輝一早知拍檔有事
近年與謝霆鋒經常合作的張家輝，昨日到澳門出席活動時坦言早在英皇70周年晚宴上已知霆鋒做手術：「我睇過佢嘅傷口，知道良性就冇事啦！」原來家輝早前亦曾經受傷入院，他與霆鋒可謂「同病相憐」。家輝謂：「我呢排喺澳門拍戲，有一場戲畀對手一踢，將我隻手指尾兩節骨打歪，手指變到Z形，好驚好恐怖！自己睇完一次都唔敢再望第二次，即刻去醫院。」
由於家輝膊頭亦有受傷，護士起初以為是膊頭照X光，之後一見家輝的變形手指亦嚇親。問家輝可有即時通知太太關詠荷？家輝表示：「冇，佢又睇唔到，費事佢擔心。（痛唔痛？）麻醉藥過咗就好痛，之後一啲大型嘅動作戲都要推遲拍，先拍文戲。（怪唔怪踢親你嘅對手？）唔會。」
