范振鋒陪妻旅行再諗造人
范振鋒在圈中身兼多職周身刀、張張利，簽約英皇電影藝人部後工作有增無減，但相反多得同事幫手令他能騰出時間與太太見面。問到是否可以抽空造人時，他笑言現在未有時間，還要向太太兌現旅行承諾後才能實踐。
藝人范振鋒與李思欣拉埋天窗後工作各有各忙缺乏見面時間，范振鋒坦言婚後太太同一時間接了兩部劇，日接夜、夜接日，日日睡眠不足。今年9月范振鋒簽約成為英皇電影藝人部旗下，以方便接洽和安排工作。身兼唱片騎師、主持、司儀、電影和音樂周身刀的他，坦言簽約英皇公司後方便很多，他說：「以前親力親為接工作、傾價錢、見客，依家有經理人幫手令我慳好多時間，令我可以騰出多啲時間同太太見面。」他笑言簽約前太太曾擔心他工作量大增後，會減少見面時間，幸好經過一番分析後亦表示贊同。
鼓勵老婆登「台」
問到是否婚後不願太太再活躍幕前，他否認並表示鼓勵太太多點出外，他說：「佢演藝學院出身，我鼓勵她參演舞台劇o架。佢依家都有教人做戲做導師，我覺得唔好浪費佢嘅天分。」問到是否儲錢計劃生育，他說：「我就未有呢個計劃住，加上佢細我好多，仲有時間可以等吓。我哋大家都鍾意旅行，我承諾過同佢去布拉格、韓國等好多地方，但大家都忙仲未同佢兌現，我諗等我哋去多十幾個地方旅行先計劃生小朋友。」范振鋒興之所致，即場畫了一幅油畫送給太太。
文：影視組
場地：Oscary Wine & Art