Alice B.雞肉豐胸晒32B
模特兒Alice B.昨日以比堅尼top上陣大晒32B上圍，雖然身形不及同場的「動漫Maggie」李曼筠豐滿，但勝在性感搶鏡，輕易成為焦點，Alice對自己的身材信心十足，並自爆靠食雞肉豐胸。
昨日李曼筠（Maggie）、李蘊、Alice B.及靚女攝影師戴妮廷一同出席科技新產品在遊艇舉行的活動，其中以Alice最為性感，以比堅尼top現身，力壓同場穿上tube top及熱褲的Maggie及李蘊。
全力照顧中風母
Alice表示在風和日麗的天氣下穿比堅尼感到很舒服和暢快，對於搶盡同場其他明星風頭，她坦言無意搶鏡，但對自己32B身材很有信心，並自爆因多吃雞肉以致上圍升級。問到男友是否同樣滿意其身材時？她問非所答說：「我哋有約會，但我媽咪中風唔舒服，我要全力照顧佢，依家媽咪係最重要，佢知道我關心媽咪，都好支持我。」
李曼筠大腿留痕
至於向來衣着性感的Maggie被問到為何如此密實時？她不認同：「我都有露腰同露腿，都唔係好密實啫！（轉型唔行性感？）唔係特登，係公司叫我咁着，我之前返廣州要落水都係咁着。」她表示對自己身材冇自信，並直言：「依家個個身材都波濤洶湧，我無謂獻醜，留番畀啲後生。（覺得自己老？）又唔係老，不過係想做多啲自己鍾意嘅事，例如寫書同拍戲，成日千篇一律好悶！」現場所見，她的大腿上有疤痕，她否認自殘：「有時畀嘢刮親，有啲係畀貓抓親，所以我係容易受傷的女人！」
文：名人組