劉嘉玲喱士女王
喱士向來是時裝設計師愛用的流行元素之一，可以說是女性化的代表，能夠散發出嫵媚女人味，予人感覺優雅高貴，在今季的時裝界繼續大行其道。而喱士亦不再限於清一色純喱士造型出現，可以配上豹紋或皮革，即增添型格感覺，它亦可以增加女人味或少女味，只視乎怎樣配搭，很講究Mix & Match的技巧，但要小心如果由頭到腳都是喱士就會變成Lolita。名模陳嘉容就大讚劉嘉玲襯出台型及氣勢，配搭非常完美！
景甜撞贏霍思燕
內地女星景甜和霍思燕同場撞個正着，令兩人尷尬非常！一經比較兩人即高下立見，陳嘉容說：「景甜着得高貴美麗，大方得體，條裙Fit size，及膝長度啱啱好，各方面都好完美；霍思燕就唔合格，條裙衣不稱身，個頭上面幾朵花唔知想點，好似拍完古裝片無時間轉髮型就趕嚟event咁，格格不入，不過個手袋襯得幾靚。」
劉嘉玲
「好靚，好襯佢嘅氣質，無論髮型、化妝、手袋、鞋等等都好襯，係完美配搭。成個感覺好有氣勢、台型同星味，散發明星風采。條裙前短後長嘅設計高貴中不失型格，今年亦好Hit。」
容祖兒
「喱士女性化得嚟都可以好型格，Joey呢身打扮就係代表作，有女人味之餘亦好有型格，由頭到腳都好襯，match得好靚。」
林欣彤
「好醜怪，成身嘅配襯九唔搭八，冇自己嘅Style。下身改為襯條三個骨皮褲或長皮褲，換對好型嘅尖頭高踭鞋會靚好多。」
岑麗香
「街上普通少女嘅打扮，充滿青春味，但冇星味，冇乜時尚感。」
苟芸慧
「條裙唔靚，娘娘哋，髮型亦都唔靚。條裙由頭到腳都好黑，冇乜色彩，如果搽番個紅唇，或者加啲長頸鏈同手鐲，條裙短番啲，騷多啲腳會靚好多。」
熊黛林
「好穩陣，但就無乜驚喜，Valentino嘅裙向來都靚，Lynn嘅Model身形着一定好睇。如果將啲頭髮紮起或者放喺後面，同埋加啲Accessories，例如加番對耳環會更加靚。」
陳嘉容Profile
陳嘉容，香港著名模特兒，曾為各大國際品牌行時裝騷，在時裝界打滾多年，對時裝方面的認識無論是理論還是實戰都難不到她，近年更為電視時裝節目擔任主持，化身Stylist教人配襯衣着打扮。