羅仲謙相片加工整色整水
藝人當然要走在時代尖端，無論衣着打扮，甚至隨身物品也是最新款的，近年iPhone智能手機盛行，內裏林林總總的app甚受年輕族歡迎，尤其一些相片加工app，深得一眾藝人喜愛，今次「大胸謙」羅仲謙為大家介紹一個名為「LINE camera」的app。
謙仔向來喜歡拍下工作點滴，再加工照片後上載微博與fans分享，不過以往會用幾個不同的app加工照片，一張照片加工分分鐘花上二十分鐘。一次偶然機會下，朋友介紹「LINE」app給謙仔，令他一試愛上：「其實我加工相真係冇女仔咁叻，所以當朋友介紹畀我之後就試下整，點知真係好方便，因為呢個app又有tune色、相框同好多好有意思嘅公仔，好快就搞掂張相，啲fans又反應幾好，仲讚我有創意，所以會繼續用。」他說該「LINE camera」推出已一段時間，仍有不少身邊朋友詢問，故有意把它發揚光大廣為推介。
LINE camera 抵死到位
LINE camera是一個既可拍照，又可以把相片庫內的照片加工的一個軟件，除了可把照片調到不同顏色外，還可以加入不同字體的文字，此外還有大量卡通圖案給用戶選擇，有些更很抵死到位，所以甚受年輕族歡迎。