霆鋒養車禍員工父母

謝霆鋒拍戲搏到盡，很多高難度動作都親身上陣，令身上舊患處處，雖然幕前演出如此狠辣，但台下卻是一個隨和、疼錫員工的好老闆。

前晚播出的《最佳男主角》，霆鋒便接受主持人黎芷珊的訪問，透露其公司旗下一位員工因車禍嚴重受創，當時醫生坦言對方很有機會失憶及喪失工作能力，復原機會可謂微乎其微，霆鋒得知此事，即向員工家屬作出承諾，會出糧給員工父母，直至他們百年歸老。

霆鋒接受黎芷珊訪問，大談工作。

四哥、狄波拉等人月前出席霆鋒在北京分公司的開幕禮。

得悉不幸消息時，霆鋒正身在內地出席一個很大型的活動，他聽了消息後十分心痛：「我同另一個同事喺間房度喊！」雖然很傷心，但霆鋒都要立即作出一些安排去安慰及穩定其他員工的情緒，對員工的情況十分關心，未知是否霆鋒一連串行動「義」感動天，受傷員工最終都能逃出鬼門關，並奇迹地完全康復。

5倍薪酬撬唔走

一位有情有義的好老闆，當然也換來一班手足「誓死相隨」，曾有公司出5倍價錢向其公司20位員工挖角，最終霆鋒成功挽留19個同事，甘詞厚幣沒有動搖霆鋒與員工的一條心，他笑言事後曾忍不住問員工為何會留低：「我問佢哋咁多錢都唔走？佢哋話留喺度可以笑（開心）。」

如此上下一心工作，亦換來好業績，霆鋒之公司年賺近億，事業順暢，近年更在中環擺花街掃物業，霆鋒曾帶父親謝賢（四哥）到中環自己物業的樓下，並把買物業的消息告知四哥當作小驚喜，四哥望住霆鋒的物業，開心得久未能語，霆鋒表示：「我拖住佢，同佢講嗰陣，佢（四哥）嘅表情，我從未見過，好感動。」

文：影視組