薛凱琪魚蛋妹口擘擘

走出抑鬱陰霾的Fiona，歌唱事業和電影發展都相當不錯，雖然屢傳緋聞，惟身邊始終仍未有出現真命天子，不過Fiona不愁寂寞，日前不用工作的她於下午四時許相約女友人行銅鑼灣，踢拖的她架上墨鏡遮素顏，與友人捨名店不入，轉去掃街邊檔尋美食。

吔到唔停得口

行到口渴的Fiona先行買了杯珍珠奶茶，更邊行邊啜，及至經過魚蛋檔時可能被香味吸引，即時食指大動想食魚蛋，不惜放下歌星身份，親自逼入人群走入檔口買美食，一碗魚蛋到手，Fiona順手將珍珠奶茶交給身邊的女友人代拿，自己則篤住魚蛋，食得津津有味。可能久未嘗到街邊小食，Fiona食得相當猴擒，只見她剛剛送了一粒入口，未待細嚼便再送多粒，大啖大啖懶理形象和旁人的眼光，食到嘴仔脹鼓鼓。

Fiona起勢啜茶解渴。	原本揸住珍珠奶茶的Fiona，魚蛋到手後即將奶茶交給友人代拿。	田蕊妮買飲品起孖，未知是否預埋老公杜汶澤一份。

阿田飲嘢起孖

另方面，與Fiona感情要好的田蕊妮同樣喜歡掃街買嘢飲，日前傍晚時分，阿田獨自一人去到尖沙咀一間飲品店，站於收銀處前左揀右揀一輪，買了一杯飲品後未有即時離開，只見她飲了兩啖後順勢再買多杯，未知是否覺得太好味一杯不夠，一於買多杯，未知是否和丈夫杜汶澤分甘同味，買完後她急急腳登上保母車離開。

文、攝：追蹤組