超盈揀擇：我唔會咁膚淺
賭王何鴻燊四房長女何超盈自今年六月宣布與拍拖四年的男友Greg分手後，雖然身邊不乏男女朋友相伴，不過前晚她出席活動時，表示自己仍然single（單身），沒有男友的她，更希望可以搵個可以依靠的對象。
前晚何超盈支持好友陳柏熹舉行的時裝騷，超盈未抵達前，陳柏熹對於好友超盈仍未有新男友，他表示：「唔敢介紹，上次Greg已經係我介紹，（邊類型男仔啱佢？）外表唔着重，感覺同可以依靠先緊要。」指超盈向來戀愛大過天，拍拖時便會失蹤，笑言若找到她的話肯定出事（失戀）。超盈與四太梁安琪其後前後腳到達，問超盈是否希望找到一個可依靠的男友？她反問：「你哋唔想咩？依家我係single，多謝關心。」
澄清與同性友人關係
對之前拍得她與大隻男子行街，她澄清對方只是髮型師，另外又被指與同性女友人夜蒲一事，她再度澄清：「佢係我嘅好朋友及好家姐，識咗好多年，睇到報道笑咗出嚟，希望大家唔好咁，如果唔係冇人肯同我出街啦，希望大家放過我，如果我有男友會大方公開，因為都避唔到香港嘅狗仔隊。」選擇男友條件，她以三次「我唔會咁膚淺」和一次「唔會咁表面」回應，表示不會介意對方身形和年紀，並說今年是她大學最後一年，自己希望讀好書，故不急於拍拖，但問到今年是否不拍拖時？她似有保留說：「有咪拍囉！（有冇聯絡舊愛Greg？）好少，你哋唔好再提佢，要尊重人哋。」對有傳何超雲將下嫁陳山聰，超盈表示若超雲真的結婚，會恭喜對方。
周汶錡無暇關心細妹
同場睇騷的還有名模周汶錡、謝婷婷與文詠珊，單拖出席的周汶錡，表示夫婿其實不太喜歡陪她出席活動，感覺好悶，對於胞妹周麗淇右小腿有良性腫瘤一事，她表示因忙未有時間關心對方，但知道她曾腳腫，但相信不是家族遺傳病，更戲言：「佢一隻腳之嘛！」而穿低胸裝的謝婷婷，笑言男友安志杰沒有權管束她的衣着，因為男友拍戲的性感尺度比她更寬鬆，經常脫衣露pat。
文：名人組