黃秋生斥小豬對號入座
黃秋生早前接受黎芷珊訪問時，重提跟台灣藝人羅志祥（小豬）粉絲的罵戰，更以「蒼蠅」、「屎」來形容小豬粉絲，前晚，小豬在微博留言以「我不是大便」來反擊秋生，令事件再掀浪潮，秋生前晚亦於微博留言要「離開」，暗指自己不會再玩微博。
昨日，六年沒演舞台劇的秋生出席舞台劇《極地情聖》記招，該舞台劇將在秋生母校演藝學院公演，秋生一被問起羅志祥，即時「撻着」火上心頭，揚言：「我冇興趣同冇時間去研究一個人係唔係一pat屎！（點睇小豬喺微博反擊？）一個人無啦啦提住你，問你：『佢到底係咪一pat屎』，你叫我點答？佢（小豬）同佢經理人對號入座，我都冇辦法，叫佢再睇番個訪問，我係話啲烏蠅，如果我真係明鬧佢，我鬧得仲抵死刻薄。」
