羅天宇胞弟 (舌累)脷照入圍

《ATV2012亞洲先生競選》8位港澳賽區參賽者昨日會見傳媒，由於大部分參賽者廣東話不靈光，導致笑料百出。(1)來自羅馬尼亞的Bruno以半鹹半淡廣東話「大個口（大家好）」來打招呼，(19)陳俊原指自己「生實生（33）」歲，是娛樂公司的「驚你（經理）」，而(17)黃集鋒則緊張得讀錯自己是14號。(14)梁漢宇又稱自己今年24號（歲）。

苟芸慧進出屋企

至於香港先生羅天宇胞弟羅駿宇亦成功入圍，在泰國國際學校高校畢業的他，(舌累)脷以廣東話說「多謝大會畀機會我參加亞姐（洲）先生」，令人失笑，問到他與哥哥比較誰較靚仔？羅駿宇說：「我靚過佢！」談及羅天宇與苟芸慧的緋聞，他澄清哥哥現在沒有拍拖，他說：「媽媽當苟芸慧係女，所以先出入屋企飲湯。（哥哥與蔣家旻傳緋聞？）邊個嚟o架？哥哥都冇拍拖，我好誠實。」

黃集鋒擺出chok樣，自信心十足。	陳俊原自稱「生實生（33）」歲。	在荷蘭出世的柯俊威堪稱甫士王。

馮雪冰睇中啱feel

亞姐馮雪冰即場選出黃集鋒和羅駿宇膺「最合眼緣亞洲先生」，但黃集鋒則說：「未到最終目標，我想攞獎！呢個係安慰。有信心未必會贏，但冇信心一定會輸！」而在荷蘭出世、法律和經濟系畢業的（9）柯俊威，台上咬唇兼擺出多個甫士拍照，對於未能先拔頭籌，他說：「都失望，咁有條件嘅靚女都唔揀我！」他又指女友不介意他參選，自己亦不介意以泳褲亮相，他說：「男仔蝕少少唔介意。」

文：影視組