陳柏宇遇舊愛裕美讚索
歌手裕美、陳柏宇（Jason）多年前曾傳過緋聞，現各有所愛的他倆，日前同場不尷尬，坦言不怕現任打爛醋埕，Jason還當面大讚舊愛「瘦咗又靚咗」，至於馮曦妤就被惡疾纏身慘變啞女，而胡美儀自爆曾鬼上身，要搵驅魔救命。
裕美、Jason這對過氣緋聞男女日前齊出席電台活動，兩人大方合照之餘，又不時密密斟，以行動證明「再見亦是朋友」，裕美已有一年沒再和Jason撞面，但否認因現各有另一半而避見，她說；「我哋私下都有電話聯絡，但真係好難撞到面囉。（係咪怕男友呷醋？）唔關事。」至於Jason大讚裕美變得愈來愈靚：「佢瘦咗。」問Jason為何消瘦不少？他笑言曾有朋友誤會他患上重病才「細了一個碼」，但事實上他近期愛上健身，因胸肌發達才顯得他頭細身大，他自言：「我好健康，依家都有6舊胸肌，不過我唔係練嚟『騷哥利』，純粹滿足自己，但女友叫我唔好練到成個筋肉人咁。」
馮曦妤慘變啞女
同場的馮曦妤全程不發一言，她用口形表示：「我喉嚨生繭，醫生叫我唔好講嘢半年，搞到我損失咗好多搵錢機會。」幸好唱片公司和主辦商關係友好，故取消工作也毋須賠錢。至於前輩胡美儀將於年底推出有關心理學的書本，她指：「本書有講我十幾年前因練氣功，被邪靈上身嘅經歷，會詳盡講我點樣搵驅魔人幫我僻邪。」美儀又說內容較敏感，易被指導人迷信，故她足足花了年多時間籌備，經小心處理才可以出書。
文：音樂組