官恩娜愛拍劇 樂觀等機會

官恩娜（Ella）簽約四大唱片公司之一華納成為一姐，在樂壇大展拳腳。同時她有份參與的無綫劇集《雷霆掃毒》正在播出，原本雙線發展事半功倍，奈何卻因兩間公司的關係，有指將與無綫「絕緣」。官恩娜抱着樂觀和積極的態度待事件明朗化，入行八年的她經歷過不少風浪，坦言所有事能勇於面對。

曾心灰意冷

過往曾有指她帶不同國籍男士回家開派對的報道，曾令她對娛樂圈心灰意冷和氣餒，她說：「當時真係好唔開心，自己喺樂壇付出咗好多努力，但換來一啲好不實嘅報道，影響咗我個人格，當時好多活動因為報道而取消、廣告又換人，收少自然少咗，當年呢個打擊令我一蹶不振。」

幸好低沉了兩個月後，在「超級巨聲」中獻唱一首《Endless Love》令她重拾信心，Ella說：「終於有報道係講我嘅歌藝，我開始明白唔可以再為一些控制不到的事而唔開心，只要盡咗努力終會有人欣賞。」

多動作場面

在《雷》劇中Ella有不少動作場面，她說：「劇中好多動作，又要追又要跑，我仲要開真槍，只係啲子彈係假。拍攝前有安排訓練好在都易上手。加上有好多飛車場面，自己都好緊張。但過程好有滿足感，令我更愛上拍劇。」雖然未知何時再拍劇，但官恩娜滿有信心將問題解決，認為世上沒有不可能的事。

文：影視組