曾建怡演活小師奶
《環遊世界明星賽》Star Ladies之一的曾建怡（Elaine）日前在葵青劇院順利完成了四場舞台劇《呢劑，俾唔起!》，在劇中飾演可愛小師奶的Elaine，角色討人歡喜，事後她還開心表示︰「我睇晒啲問卷調查，好多人讚我靚女呀。」她又透露原來第一場開騷前十分緊張：「唔知個場坐滿晒觀眾係點，不過好彩一on show就定晒。」
由第一場的緊張，到最後一場的依依不捨，這套劇見證一個小女孩的成長，Elaine說︰「我真係好唔捨得，個劇係成班劇友嘅心血，我哋之前好難先可以聚到一齊排練，依家都唔知要等幾耐先可以再咁齊人。」雖然場場爆滿，反應熱烈，不過Elaine表示不會再加場。