甄子丹認衰 唔夠老婆打

甄子丹昨日於上海以推廣大使身份出席觀瀾湖世界明星賽新聞發布會。他坦言不懂得打高爾夫球：「之前太太喺美國教過我，覺得自己好有天分，一打可以打到200米咁遠。（『宇宙最強』喺太太面前失威？）『宇宙最強』係大家同我講笑啫，一個人冇可能樣樣都叻，太太一向都叻過我，大家都知㗎啦！」他還會跟仔女一起打。他又表示非常榮幸可與一眾荷里活巨星以及國際球星同場，期待與他們交流。問他期待與誰合作？他說：「冇所謂，拍電影好講緣分。（想同佢哋打？）打又得，搞笑又得，彈琴都得。拍《鋼琴戰曲》嘅Adrien Brody會嚟，我都可以彈琴畀佢聽，戰曲都啱我style。」

讚Leon重情重義

提到好友黎明（Leon）與樂基兒（Gaile）分手一事，他表示：「好可惜，兩個都係我嘅好朋友，不過我會支持佢哋嘅決定。」他透露早前獲Leon邀請幫其公司拍攝宣傳片，他想也不想就答應了。他大讚Leon說：「佢做好多嘢都係為大家着想，佢係一個有義氣，又重感情嘅人，做好多嘢為音樂工業，好有意義。（最近有冇同Leon見面？）呢個時候，大家畀啲空間佢，等佢有私人時間，繼續自己嘅人生。」

甄子丹與觀瀾湖主席兼行政總裁朱鼎健（右）及副主席朱鼎耀（左）主持發布會。

丁子高

丁子高遭妻投訴

另外，問到有關惠天賜（小四）的死訊，他聽到這個消息很難過，他與小四並不太熟，但有傳短訊予好友惠英紅。有傳小四因減肥過度而逝世，問他可有為練功或保持身形而有壓力？他說：「我冇畀壓力自己，因我由細練到大，功夫已經係我生命嘅一部分，唔可以缺少。如果我冇身體嘅付出，一來片商會殺咗我，二來我唔可以同功夫分開。人生好難去預測聽日係點，最緊要隨時珍惜生命同身邊嘅人。」子丹晚上更趕返港與詩詩出席伯爵錶旗艦店開幕，表現恩愛。

而丁子高就透露囝囝出世不久他就要頻頻離港工作，老婆楊千嬅也會投訴，他表示千嬅復出後會盡量安排兩人其中一人陪伴囝囝。