吳啟華靠食菜生女

藝人曾志偉、陳百祥、林建明、戚美珍、賈思樂、金剛、吳啟華等昨日到青衣出席「蝦仔爹哋音樂舞台劇II」記者會，戚美珍宣布舞台劇已籌得140萬元善款，林建明個人則希望最終能籌得600萬元。吳啟華在舞台劇中將會扮演老本行做醫生角色，首演舞台劇的啟華說：「以前英國讀書都想做舞台劇，但佢哋覺得中國人唔啱做，只係安排我做幕後。」已有一女的啟華被問到可會再生B？他說：「生唔係問題，湊BB先係問題，如果再生都想生女。」吳啟華自有一套生女秘方：「聽講多食肉就會生仔，食多啲菜就生女，我老竇鍾意食肉，所以生咗四個仔。」