Monna上海大出血 (目及)仔補數
每個人都希望環遊世界，不過「混血E神」Monna（林宜芝）卻大唱反調，能到內地夜店打碟遊遍整個中國已心滿意足。她更自爆在上海打碟後瘋狂購物致荷包大出血，惟有在工作期間𥄫仔補數！
香港人工作繁忙，不少人都渴望得到一張免費環遊世界機票，度過一個輕鬆愉快的長假期。Monna自入行後工作量大增，理應沒時間到處旅行，不過近年為了開拓內地打碟市場的她，不時要穿州過省，她笑言可以順道遊歷整個中國版圖，實行寓工作於娛樂。
留多日買嘢
Monna說：「呢大半年我去過嘅地方真係多到數唔晒！平時我返大陸打完碟都會留多一日，因為可以去行街買嘢。」最令她印象深刻的是到上海和杭州打碟後的趣事。她說：「嗰次我喺上海同杭州打完碟之後，順便留多日去玩，喺上海嗰陣就出事啦，勁多嘢買呀，買到個銀包都大出血呀！」
去蒙古打碟
因Monna在上海旅遊時大出血，惟有繼續打碟搵錢恢復元氣，但她不忘在工作時𥄫靚仔滿足視覺享受。她笑言：「做嘢嗰陣我又要顧住打碟，又要望吓身邊有冇咩靚仔，對眼都唔知應該望向邊度好呀！」她揚言走勻整個中國後，會專攻亞洲地區繼續打碟。不過她笑言未知蒙古以及新疆有沒有夜場，如果沒有的話，遊勻中國計劃就實現無望。
Profile
姓名：林宜芝（Monna）
年齡：25歲
三圍：34E、25、35
簡歷：2007年參加工展會小姐入行，去年簽約陳靜經理人公司並推出寫真集，作品包括《Inside》、《What's Up》
文：專案組
攝：司徒國榮