湯洛雯難頂是非：諗過退選

湯洛雯可謂今年港姐的新聞女王，背負湯鎮宗女兒之名令她被指有後台得到眷顧，之後又被起底指感情生活多姿多采。隨後她到倫敦拍攝外景，又發生「亂丟底褲」事件，負面新聞排山倒海。湯洛雯受訪時坦言想過退選：「頭一兩個禮拜真係喊到癲咗，真係有諗過退選。有啲報道對女仔嚟講係好侮辱！好似話我男女通殺，但係當時同自己講放棄咗就永遠都唔會成功。之後港姐之母陳紫蓮開解我哋，話呢啲新聞每年都有，叫我哋唔使介懷，成班女仔又互相扶持，自己都好欣慰可以堅持到最後。」

想做心理醫生

賽前湯洛雯被封為大熱，一舉一動也受注目，壓力可想而知有多大。她說：「參選呢三個月壓力真係好大，尤其第一個月最辛苦，可以話人生以來最大嘅衝擊，到第二、三個月就開始習慣，已經冇喊。」

大熱倒灶的湯洛雯，事實證明她沒有後台眷顧。

湯鎮宗不希望女兒捱更抵夜。（資料圖片）

湯洛雯小時候夢想成為港姐冠軍，她與堂家姐經常在家玩耍扮港姐加冕，可是現實結果卻是名落孫山。她說：「都有諗過自己會冇獎，完全冇唔開心係假嘅，當然有唔開心，或者係失落嘅感覺。」那麼父親可有失望？她說：「爹哋好擔心我唔開心，其實自己又冇話好唔開心。比賽係人生中好小嘅事，以前就會好傷心，但係經過今次選美，自己EQ好咗好多，大個女咗好多。」有報道指湯鎮宗一直不欲愛女入行，湯洛雯說：「佢只係唔想我好似佢咁捱更抵夜，做呢行又要等機會，同爹哋傾過，佢依家都好支持我，自己遲啲都會讀埋碩士，做心理醫生都係我嘅志願。」

文：影視組

服裝、場地：Ted Baker

髮型：Brian Luk@HAiR（又一城）