城城見完Lynn 興奮自隊
郭富城大前晚秘密倒數迎接女友熊黛林生日後，前晚出席新戲首映時表現風騷，除不斷與梁家輝等談笑風生外，更拿起香檳自隊！
前日是熊黛林（Lynn）32歲生日，男友郭富城近日雖忙於宣傳新戲《寒戰》，但仍在大前晚與女友倒數迎接正日生日，誠意可嘉！而城城前晚出席首映時心情大靚，除滿場飛與梁家輝等祝酒及吹水外，完場時更調皮地拿起香檳作狀自隊！
發表骨痹宣言
神采飛揚的城城，受訪時卻繼續賣關子，問如何與Lynn共度生日時，他竟扮傻說：「要睇戲。我衷心祝佢生日快樂！（買咩禮物？）買咗都唔講。（送車？）唔係。」更不忘發表骨痹宣言：「友誼永固，友誼長存！」他又解釋Lynn未有現身首映是因另有節目，是否首映後與佳人打邊爐慶祝？他又再賣關子謂：「我睇戲睇到十點幾，聽晚啦！」城城還開心自爆買了新車，車牌是其英文名字，再問會否以新車接載Lynn？他再暗藏玄機謂：「有機會就載。」
李治廷搞gag
同場的李治廷透露有短訊慰問老闆黎明，對方以「ok」回覆，他又讚黎明很專業，心情未受影響。談到有指樂基兒曾爆粗指黎明「好X悶」，李治廷即醒目搞gag謂：「可能佢想講黎明個Xu演唱會哩！（去年紅館演唱會）」他又指沒有與黎明談及感情事，並謂與樂基兒不太熟稔，他說：「我無聽過佢（樂基兒）講粗口。」楊采妮則表示沒有留意黎明婚變新聞，並謂已很久沒與對方聯絡，亦不會致電問候：「就算好好朋友，我都唔問感情事。（怕被人反問番？）唔係。」自爆愛游泳的她，笑言不希望被拍到三點式「肉」照：「我一定着唔會走光嘅泳衣。」
文：影視組