舒淇謝絕黎明：冇諗過復合

昨晚伯爵（PIAGET）舉行的盛大晚宴為慶祝亞洲旗艦店開幕禮，吸引大班城中名人如舒淇、林熙蕾、李美鳳、蔣怡、甄子丹、汪詩詩、陳法蓉、賭王四太梁安琪、周汶錡偕老公等出席，場面星光熠熠。以Deep V亮相的舒淇與韓星崔始源合照時心情極好，她解釋因為是夜佩戴價值連城珠寶所致。她認為男士送珠寶給女士在乎心意，曾擁有已覺開心。

認馮德倫緊張

問有否留意黎明離婚新聞？舒淇說：「唔知呀。（你冇睇？）冇呀，我喺北京，一落機個個提我小心你哋問我，我冇特別意見。」對於很多網友希望她與黎明復合，她聞言大笑起來：「啲網友好得意，從來冇諗過復合。（你喺微博放『黎明』相？）啲網友思想好闊大。（係咪覺得同黎明一齊，好似珠寶咁曾經擁有就得？）身為朋友都好。（維持朋友關係？）同個個朋友都好。（馮德倫呢排係咪好緊張？）個個好緊張，馮德倫、張震、彭于晏都係。（你心有所屬所以冇諗復合？）今日心喺珠寶度。（係咪介意黎明當年唔確認你女友身份？）咁多年，唔好彼此間出問題，就啄住係咁問，希望大家可以關心我工作。」

伯爵的亞洲旗艦店昨晚開幕。

不少網友希望黎明與舒淇復合。

其實自從黎明和樂基兒於本月三日透過百仕活發聲明宣布離婚後，不少網友均希望黎明與舒淇復合，但舒淇一直未有表態，只透過微博抒發情感。黎明與樂基兒發聲明後，翌日舒淇已在微博感慨謂：「心寬，天地就寬。」似隔空為黎明打氣。本月五日，她更寫下千字文：「其實每個人都有他自認為自己過生活的方法，這些不是可以三言兩語就可以改變的……」跟黎明的生活論一致；至本月六日再上載一張疑似「黎明」的天空相，可謂心思細密。

林熙蕾坦言與舒淇少談感情事。	李美鳳高衩晒腿，身形弗爆。	蔣怡性感示人。

舒淇透露最近因為練功而弄致手指痛，她說打開報紙，總是講明星食飯、緋聞和餵狗，不關心藝人的工作，娛樂新聞總是得私生活，感覺有少少無助。問到是否覺得黎明和樂基兒離婚好可惜？她說：「所有係緣分。（冇話可唔可惜？）係緣分。（當時你同黎明都係緣盡而分開？）唔關事，你哋唔好借題發揮。」舒淇有份主演的《太極1》成為中國十月黃金檔期票房唯一過億的華語片，證明事業上她很努力。

梁安琪亦有出席開幕禮。	陳法蓉雖低胸赴會，但不及舒淇Deep V搶鏡。	沈嘉偉（右）出席晚宴時與好友言談甚歡。

林熙蕾冇仔介紹

舒淇好友林熙蕾昨亦Deep V晚裝現身，老公與女兒都有到場，她坦言老公不介意她性感。問是否想黎明與舒淇復合？她說：「唔知，最緊要開心。（舒淇好少公開自己男友？）唔清楚，好少傾呢啲，有會同我講。（戥佢開心？）還好，時間未到。（介紹男仔畀佢？）好多結咗婚，唔係嘅話就係『豬頭』，台灣嘅意思係唔好嘅男生。」

文：名人組