葉翠翠喊住做老千
葉翠翠前晚為髮型大賽示範，她表示喜歡自然的髮型：「我好錫把頭髮，好少染同電，不過工作需要都會染同電，試過啲頭髮傷到一掂就斷。」她又透露正拍攝一部民初劇，她說：「我未試過喊咁多次，我飾演一個老千，身世好可憐所以成日都要喊。（驚喊到乾塘？）驚驚哋，有次排戲時已經喊咗出嚟，導演即刻叫住我唔好喊，留番啲眼淚埋位先喊。」
同場的o靚模鍾蕙芝剛染了一頭新髮色，她說：「染髮之前有人同我講行內好保守，未必接受到，我就覺得唔應該因為工作而影響自己，要表現出自己形象同風格，染完髮亦冇影響工作量，如果日後拍戲有需要，唔介意剃光頭。」