妙芝請纓 幫周汶錡湊仔

名模周汶錡（Kathy）剛於法國舉行婚禮，有份出席的好姊妹如黃佩霞及歐陽妙芝等盡興而回，更踢爆新娘子急於造人，還向她們索取產後修身意見，而她們亦催促Kathy早日當媽媽！
歐陽妙芝自告奮勇願為周汶錡湊B。
歐陽妙芝自告奮勇願為周汶錡湊B。

昨日法國護膚品牌EviDenS de Beaute香港首間美容水療中心Le Spa EviDenS於銅鑼灣隆重開幕，大會請來名模馬詩慧、歐陽妙芝及姚書軼等出席，還有楊諾思與楊黛思姊妹、余安安等嘉賓。其中於Kathy婚禮擔任姊妹的黃佩霞就表示剛回港，並透露婚禮很感人，她說：「我哋成堆姊妹嫁剩唔多，加上嗰度地方又好靚，Kathy斟茶畀媽咪時兩母女都眼濕濕，我自己都忍唔住想喊，諗番起自己結婚斟茶嘅時刻，好感動！（Kathy同老公幾時返？）應該下星期返，因為開季好多嘢做，依家要返嚟還工作債，（香港擺酒？）未決定，都係傳聞！」

問到Kathy是否趕生B？她踢爆貪靚的Kathy：「佢都有問我哋好多關於修身嘅意見，我哋就不停轟炸佢快啲生！」在旁同樣有份參加婚禮的Kathy好友侯維德亦說：「佢老公話佢戴咗六隻金豬牌，要幫佢生六個BB！」

周汶錡（右）
  • 周汶錡（右）
黃佩霞笑言轟炸周汶錡早日做媽咪。
  • 黃佩霞笑言轟炸周汶錡早日做媽咪。
楊諾思（右）與胞妹黛思結伴出席。
  • 楊諾思（右）與胞妹黛思結伴出席。
馬詩慧、黃佩霞（左三、四）等多位嘉賓齊賀Le Spa EviDenS開幕，並與創辦人Mr. Charles Edouard Barthes（右一）及香港負責人Helen Ma夫婦（右三、四）合照。
  • 馬詩慧、黃佩霞（左三、四）等多位嘉賓齊賀Le Spa EviDenS開幕，並與創辦人Mr. Charles Edouard Barthes（右一）及香港負責人Helen Ma夫婦（右三、四）合照。

開心撇老公外遊

而妙芝就踢爆Kathy想生B卻不想湊B：「佢依家有計劃，但佢話生完唔會自己湊，我就話等我湊！」她又表示自己首次撇下老公「外遊」，感覺自由自在，她續說：「今次好開心，好享受單身女子生活，因為（婚後）從來未試過，好興奮好high，飲酒都冇咁high，（唔掛住囝囝？）可能有時差，佢哋瞓覺時我就放心自由自在玩，平時唔慣夜生活，佢喺嗰邊凌晨都唔願瞓！」

文：名人組