林峯贏頭威叫胡攞兩獎

無綫四十五周年台慶亮燈儀式昨日在將軍澳電視城隆重舉行，無綫動用過百藝員出席，包括有黎耀祥、林峯、陳豪、劉松仁、米雪、陳玉蓮、陳茵媺、朱晨麗等。首度以行政主席身份主持亮燈儀式的梁乃鵬博士由應屆香港小姐冠軍張名雅和亞軍黃心穎「谷胸」陪同亮燈，隨後由無綫當家小生林峯打頭陣表演百老匯式大型歌舞。

獎項唔嫌多

同年《十大勁歌金曲頒獎典禮》的「最受歡迎男歌星」獎項，林峯受訪時說：「又講呢啲，你哋咁講都畀咗我信心。其實都係呢幾日先知打頭陣。」談到無綫與「四大唱片」公司未破冰，他豈不是勝算大增﹖林峯說：「從來冇咁諗，都希望同多啲歌星交流。」談到無綫若實行以公投選「視帝」及「最受歡迎男歌星」，他會否有機會連奪兩獎？他說：「一單還一單，不過獎就冇嫌多。」

信心五五波

至於「視帝」熱門人馬黎耀祥相隔十五年再被抽中成為台慶45位「幸運星」之一，相當有運，被問到今年攞「視帝」信心﹖他說：「五五波，自己好鍾意套劇。」而「視后」熱門之一的米雪則說：「畀我同祥仔一齊攞又唔拘呀。」而張名雅和黃心穎指性感亮相是為了尊重場合。

採訪：影視組