湯鎮業：冇老婆照顧好危險
惠天賜（小四）猝死，80年代無綫「五虎將」中的苗僑偉（三哥）、湯鎮業、黃日華亦有跟他合作拍劇，對他的離世感到難過及可惜。三哥表示：「我哋合作過《楚留香之蝙蝠傳奇》，但最近冇聯絡，收到佢死訊好愕然。」
湯鎮業則稱早幾日才與惠英紅在橫店開工：「知道小四死時冇人知，我都覺得好心酸，覺得佢人生好坎坷。其實好似我哋呢啲年紀上50歲都要好好保養身體，尤其高血脂、血壓、血糖，一有事話走就走，加上佢身邊又冇老婆照顧好危險。（知咩病？）只知早前睇報紙話佢開酒吧又飲多酒。」而黃日華則在微博留言悼念小四：「仍是那麼年輕就離開大家而去……一路好走，懷念！」