斑斑必叫兒子出席喪禮
惠天賜先後經歷兩段失敗婚姻，但兩位前妻仍與他關係密切。首任太太陳貝蒂前晚得悉噩耗時表現激動，昨受訪時心情仍未平復。她指兩名囡囡前晚得悉父親離世消息亦表現哀傷：「佢哋係咁喊，瞓唔着，今朝一早去咗上香畀老竇。」她指囡囡與惠天賜常有聯絡，至上星期四才突然失去聯絡：「我哋知佢身體唔係咁好，我早年仲同佢講笑，叫佢快啲搵番個人照顧佢。」提到二人相處點滴，她即嗚咽謂：「總之我同佢每一分每一秒都好深刻。」
第二任妻子斑斑透露是前晚收到小紅通知前夫死訊：「我打咗個突，好可惜，不過佢去得好安詳，都算係修嚟嘅福分。」她指兒子得悉父親離世時表現尚算平靜，而她亦會從旁作心理輔導：「就算請假，我都會叫個仔出席喪禮，都係等小紅通知。」斑斑表示每逢重要節日及惠天賜生日，都會叫兒子致電父親，對方偶爾亦會抽空到澳門探望兒子。