羅苡之後日嫁遭父禁食
無綫甘草演員羅樂林的女兒羅苡之（Tisha）將於本周四下嫁前港男陳志健（Otto），二人日前到婚紗店作最後試身。Tisha坦言雖沒有刻意減肥，但試身時卻發現所有禮服都不合身：「所有嘅衫至少要改窄一吋，我已經食好多嘢，尋晚同屋企人食飯，本來想添飯，連阿爸都阻止叫我唔好再食。」
婚禮接近倒數階段，各方面已籌備得八八九九，最煩惱反而是飲宴的座位安排，她笑言：「阿爸已經擬定咗出席親友嘅名單，但就遲遲未編排座位，要我逼佢先搞掂，佢話仲慘過返學做功課喎！」而二人的囍帖亦已曝光，以木製成，十分特別。