祖兒隔空傳情：人「肉」兩圓
【蔡振龍澳門直擊】樂壇天后容祖兒昨率領一眾英皇歌手到澳門出席活動獻唱，身穿螢光粉紅透視裝的她更稍露小肚腩，她自爆在中秋晚上鬼祟行山頂，被指未能與男友劉浩龍人月兩圓？她即搞Gag轉移視線：「人『肉』兩圓？我都幾多肉o架！」問到會否陪被指發福20磅的男友減肥？她尷尬笑言：「搞掂自己先！」她又對脹爆男友隔空傳情大讚：「幾好睇呀！」
同場的林峯在台上與祖兒搭膊抱抱，不過祖兒笑言：「我呢件係膠衫，唔過電o架！」而林峯受訪時透露將到內地拍劇：「希望喺聖誕前返到香港，可能未必去到（無綫）台慶！（爭獎輸蝕？）有啲咁嘅事？咁我個獎咪凍過水？」陳偉霆（William）在台上熱舞疑似「激凸」，台下則力證與女友蔡卓妍沒有情變：「只係唔想成日講感情事，反正都冇咩新意！」
