楊崢指Gaile愛情至上
Leon與Gaile在娛圈人緣甚佳，兩人被傳情變令外界感可惜。身為Gaile同行兼好友的楊崢，覺得Gaile是愛情至上的女孩。楊崢說：「好難憑一張相講太多，好捕風捉影，唔應該諗太多嘢。」而莊思敏昨亦同意不應單憑一張照片而聯想太多，她說：「以我認識嘅佢，係好多男男女女嘅朋友，可以玩得好close。（信唔信佢同黎明離婚？）唔信。」
雷頌德（Mark）與Leon多年在音樂上合作，私下亦老友鬼鬼。記者昨日致電求證Mark，他說：「你知我唔會回應朋友嘅私人事。（覺得Leon呢排好唔開心？）冇覺得佢唔開心，呢排同佢都忙緊做佢唱片嘅嘢。（有傳指Leon隱居北京。）冇，我同佢都要開會又錄音，又要搞其他藝人嘅MV。（有需要會陪Leon飲酒解悶？）冇咁需要啦！唔覺佢有嘢。」
