神獸天使 邊食邊喊玩波發洩

早前劉蔚萱（Jenny）疑遭無綫導演張永豪粗暴教戲，慘被撼頭埋牆兼遭田雞嚇到喊。事後張永豪收無綫警告信，Jenny亦獲高層開解，事件看似雨過天青，但原來Jenny仍未走出陰霾，日前她外出時一直愁眉深鎖，心情似乎尚未平復。

不時掩嘴按鼻

當日Jenny與天使好友蔡慧欣（Gemma）到商場閒逛，兩人先到food court開餐，不過Jenny甚少說話，但一開口就皺眉頭，Gemma則間中開聲似在開解她。期間Jenny突然拿起紙巾拭淚，見她眼紅紅不時掩嘴按鼻，樣子我見猶憐，坐對面的Gemma也不知如何是好。

專睇減價貨品

醫肚後，Gemma提議到附近的兒童樂園玩餐飽，希望可令Jenny舒解悶氣。此招果然奏效，Jenny在店內滿場飛玩盡各種遊戲。見她玩射籃球時非常出力，狠狠掟波洩憤才展現歡顏，最後更贏得不少彩券換領糖果禮物。喪玩一輪後，兩人繼續到處掃貨，但她們似乎甚為「手緊」，只逛有減價的商舖，但仍係冇幫襯最後兩手空空離開。可能因為Jenny獨居要自食其力，加上身在內地的母親不幸患癌，因此分外慳家。

劉蔚萱（左）邊食邊向蔡慧欣訴苦，一臉委屈。	劉蔚萱疑似哭泣，頻頻以紙巾拭淚。	早前劉蔚萱疑被導演以田雞教戲嚇到喊。

事後Jenny接受電話訪問，她稱心情已好轉，辯稱當日沒有哭泣：「公司對我好好，亦都發覺好多人關心我，我冇唔開心。（見你喊喎！）唔……我食緊泡菜，好辣，所以攻鼻咋！」

劉蔚萱掟波發洩才展露歡顏。

兩女專睇減價貨品，但最終都冇幫襯。

文：影視組