何紫綸想諸葛介紹筍盤

模特兒諸葛紫岐、Ana R.、Cara G.、Jocelyn及何紫綸（Ann）等日前出席手袋品牌Longchamp私人酒會，諸葛紫岐成全場焦點，連Ann也大讚諸葛：「覺得佢好友善又冇架子，我同佢喺同一間髮型屋整頭髮，見到面都會打招呼。」問她可會叫諸葛介紹筍盤？Ann笑說：「我都想識到好男仔，但始終唔係咁熟，唔好意思開口問，我都想搵個對象拍拖、結婚，唔想再識啲玩玩吓嘅男仔。」她直言偏愛外籍男士，自感比香港男仔更浪漫，況且混血BB多數特別靚及可愛。