志偉醉誇張4人抬上車
金像獎最佳導演陳德森前晚第二次設宴，慶祝新婚之喜，楊受成、黃百鳴、許冠文夫婦、曾志偉、成龍、甄子丹、梁家輝等影圈紅人均有到賀，晚宴現場有live band，眾賓客唱歌、跳舞，非常盡興。最先飲醉的陳自強，由梁家輝扶走，但醉態最誇張者，則非曾志偉莫屬。
素來不醉無歸的志偉，前晚一早到場，並笑言早點醉可以早點離開，結果他真的醉倒。昨日凌晨零時左右，醉到不省人事的志偉，由司機、梁家輝、王合喜等合共四人，將他扶上寫字樓常見的辦公椅，推着離開晚宴會場，並半推半抬志偉上車，為醉到攤在車上的志偉扣上安全帶後，由司機驅車送他離開。
劉偉強頻撲暴瘦
成龍現身時被問到房祖名被指與內地女星葉熙祺秘婚，他說：「邊個嚟？（傳已經見埋家長？有冇印象？）吓？嗱，呢啲咁嘅時間就唔好問我呢啲嘢嘞，我個仔嘅嘢就問番我個仔。」甄子丹手拎着一袋禮物單拖現身，他說：「本來都想同太太出席，但我啱啱倫敦返嚟，好趕急，但點都嚟賀陳德森。」至於導演劉偉強則暴瘦了一圈，他強調：「我身體健康，可能近排太頻撲。」
文：影視組