張繼聰做英雄拒談情說愛

他承認年紀不同，創作題材亦會改變，以前大多圍繞愛情，但08年結婚做了爸爸後，世界開始不同，多咗生活經歷，他說：「音樂係我興趣，但以前都會想爭名利，會有啲患得患失，但依家音樂對我嚟講變得簡單，想帶出訊息，唔係有救世主心態，只係覺得樂壇應該多樣性，想講就講。」

感激公司支持

談到生活，阿聰坦言比上不足比下有餘，他說：「做新人時要搵你就要做，唔瞓都要做，但我嘅快樂唔係建築於物質或金錢上，對唔住有啲錢我係賺唔到，我未必會做。」他表示自己的生活態度跟他的音樂很貫徹，他自覺好幸運，能做到自己想做的音樂，唱片公司又支持自己，他將自己的價值觀放在音樂裏面，他說：「每一個人都係自己的超級隊長或者係英雄，如果唔識愛自己，唔清楚自己想點，點會識得不卑不亢同人相處，識得同人溝通，易地而處去諗，先至係大愛，亦都係我呢幾年最大嘅得着。」

張繼聰指08年結婚做老竇後，想法開始改變。

張繼聰與王菀之拍攝新歌MV，他指新專輯望分享大愛訊息。