G.E.M.創造「奇蹟」感動歌迷

做歌手要「百足咁多爪」，除了專注音樂外，還要拍廣告、拍電影等等，年紀輕輕的G.E.M.表示最令她辛苦並不是通宵拍戲，而是馬不停蹄的宣傳工作：「做宣傳要經常接受訪問，有時仲要搭飛機出國，其實都幾消耗體力。不過你又會去好多唔同嘅地方識到唔同嘅嘢，又會經歷唔同嘅嘢。我依家學緊喺一個好攰嘅情況之下，繼續keep住嗰份動力。」

自言喜歡食的她每次到外地時都會嘗試當地美食，有時更會寓工作於娛樂到當地遊覽：「我啱啱去完杭州做宣傳，要拍一個節目介紹帶大家喺杭州吃喝玩樂，所以又見識咗多啲嘢。」

G.E.M.表示過去的經歷幫助她獲得不少寫歌的靈感。

愛吃的G.E.M.每次到外地都會嘗試當地美食，寓工作於娛樂。

成長得快

G.E.M.近年曲風都有所轉變，由早期的抒情慢歌變為近年的搖滾快歌，她坦言這一切與她經歷有關：「啱啱入行嗰陣冇咁多煩惱，嗰陣曲風都比較輕鬆，入行呢4年我覺得自己成長得好快，近年嘅歌都好真實反映緊我嘅經歷，多咗複雜嘅元素喺入面。」而新歌《奇蹟》正是她真實故事之一：「嗰日我唔開心就喺度祈禱，腦海浮現出一幕幕嘅畫面，成首歌嘅Melody同歌詞好自然咁已經成形，就好似奇迹一樣，上天送咗首歌畀我。」

攝影：司徒國榮

場地：Pacific Coffee

髮型：Freddy Chiu

服裝：Emma Wallace

化妝：Dora Chan @ Spotlight Image

文：專案組